បូជាប្រទីប ថ្វាយព្រះមហាពោធិព្រឹក្ស និងព្រះពុទ្ធរូប នៅក្រោមមណ្ឌលពោធិព្រឹក្ស នាវត្តព្រែកអំបិល

 អ្នកឲ្យនូវប្រទីប ឈ្មោះថាឲ្យនូវ ចក្ចុ គឺភ្នែក !

 ជនទាំងឡាយណា បានធ្វើនូវប្រទីប បូជាដល់ព្រះរតនៈត្រៃហើយ ប្រកបដោយសេចក្តីជ្រះថ្លា មាននូវបញ្ញា សម្មាទិដ្ឋប្រកបព្រមផងនុះ!  នរជននោះ រមែងជាបុគ្គលកើតក្នុងទីណាៗ ជាអ្នកមាននូវភ្នែកដ៏ល្អលើសបុគ្គលដទៃទៀត ជាអ្នកមាននូវបញ្ញាស្មារតី មុតថ្លា ប្រសើរជាងពួកជន! ជាមានបរិវាផង មាននូវទ្រព្យផង មាននូវសេចក្តីសុខផង មាននូវកិត្តិយសផង ហើយជាអ្នកចម្រើនសព្វៗកាល !។

 បុគ្គលណា បានឲ្យធម៌ គឺពាក្យប្រៀនប្រដៅ ប្រកបដោយ មេត្តាចិត្ត ប្រាថ្នាឲ្យជនដទៃ បានដល់នូវសេចក្តីដឹង ក្នុងហេតុដែលខ្លួនត្រូវធ្វើ ដើម្បីជាប្រយោជន៍ គឺសេចក្តីប្រាស់ចាកទុក្ខនិងភ័យទាំងពួង បុគ្គលទាំងនោះ ទោះអាស្រ័យនៅក្នុងជាតិនេះក្តី ជាតិមុខក្តី ក៏រមែងរុងរឿងដោយបុណ្យ និងបញ្ញា ជានិច្ច ហើយក្នុងអនាគតជាតិ រមែងរុងរឿងចម្រើន ដោយសម្បត្តិដ៏ជាទិព្វ ក្រៃលែងជាងពួកជនដទៃ ។